Croeso i dudalennau gwe Partneriaeth Cydraddoldeb LCC Gogledd Cymru (NWREP)

Pwy ydym ni?

Partneriaeth yw NWREP o Gymdeithasau Tai o Ogledd Cymru, sef
Cymdeithas Tai Clwyd Alyn (aelod o Grwp Tai Pennaf), Cymdeithas Tai Clwyd, Cymdeithas Tai Eryri, Cymdeithas Tai Gogledd Cymru a Cymdeithas Tai Wales & West. Mae Fforwm Cydraddoldeb Hiliol Gogledd Cymru (NWREN) hefyd yn aelod o’r Bartneriaeth.

Gweithio mewn partneriaeth Mae aelodau’r Bartneriaeth wedi ymuno â’i gilydd er mwyn datblygu Strategaeth Dai i Bobl Dduon a Lleiafrifoedd Ethnig (BME) Ranbarthol, Cynlluniau Gweithredu Hil Cyffredin, rhaglen hyfforddi ar y cyd i’r staff, Aelodau’r Byrddau a phreswylwyr, ac ymagwedd ar y cyd tuag at ymdrin â’r problemau gwahaniaethu ac aflonyddu ar sail hil. Dyluniwyd y wefan hon i fod yn borth i wybodaeth ar gyfer holl waith NWREP,

yn y presennol a’r gorffennol, yn ogystal â bod yn un o’r prif ddulliau o ymgynghori â’r cymunedau BME yng Ngogledd Cymru ar bolisïau a strategaethau.

Beth ydym ni yn ei wneud?

Mae’r aelodau o’r Bartneriaeth sy’n Gymdeithasau Tai oll yn cynnig tai cost isel ar rent neu i’w prynu yng Ngogledd Cymru, sy’n gweithredu ar sail ‘nid er elw’. Corff gwirfoddol yw Fforwm Cydraddoldeb Hiliol Gogledd Cymru, sy’n dwyn at ei gilydd bobl sydd â diddordeb mewn materion yn ymwneud â chydraddoldeb yng Ngogledd Cymru.